Subvencións a entidades de iniciativa social sen ánimo de lucro para o desenvolvemento de programas dirixidos a mulleres en situación de especial vulnerabilidade 2020.
Ano: 2020
Co-Financia: Xunta de Galicia – Fondo Social Europeo
Cáritas Diocesana de Ourense concorreu co Programa “APOIO Á VIVENDA 2020” á subvención publicada segundo a Resolución do 13 de decembro de 2019, da Secretaría Xeral da Igualdade, pola que se establecían as bases reguladoras que rexen as subvencións a entidades de iniciativa social sen ánimo de lucro para programas dirixidos a mulleres en situación de especial vulnerabilidade, cofinanciadas polo Fondo Social Europeo con cargo ao programa operativo FSE Galicia 2014-2020, e se convocan para o ano 2020.
Este programa foi subvencionado con 2.794,70 € (dous mil setecentos noventa e catro euros con setenta céntimos), e traballou a nivel:
♦ De cobertura da necesidade básica de vivenda.
♦ Administrativo: normalización da situación administrativa da persoa: favorecer o empadroamento, a asignación de médico de atención primaria, tramitación de tarxeta e asistencia sanitaria, determinar a existencia de posibles débedas contraídas con organismos públicos, ….
♦ Sanitario: Favorecer un estado de saúde óptimo. Controis de infeccións e consumos e derivación ós recursos especializados para o tratamento de diferentes problemáticas, se se estima oportuno, inícianse tratamentos farmacolóxicos e se deriva a diferentes especialidades médicas cando a situación sanitaria da persoa así o aconsella.
♦ Auto coidado e habilidades domésticas para favorecer que a persoa manteña unha aparencia externa o máis axeitada posible, así como que adquira unhas destrezas básicas na realización de tarefas.
♦ Económico, favorecendo que a persoa aprenda a utilizar de forma razoable os recursos económicos dos que dispón, realizando unha planificación persoal do gasto semanal. Igualmente se intenta valorar e tramitar, se procede, diferentes prestacións económicas ás que o usuario ten dereito.
Dita concesión foi aprobada por Resolución do 30 de xullo de 2020 (DOG do 7 de agosto) e Cáritas Diocesana de Ourense executou o programa subvencionado no prazo e condicións establecidas na Resolución do 13 de decembro de 2019.
Os obxectivos estabrecidos para o desenvolvemento desta actuación son os seguintes:
1.Acoller, informar, orientar e avaliar de maneira integral ás mulleres en situación que están atravesando por especiales dificultades, e se atopan sen fogar en Galicia.
2.Acompañar as mulleres sen fogar favorecendo o acceso a Itinerarios personalizados de inclusión social.
3.Mellorar as competencias persoais das persoas sen fogar, a través do acompañamento en habilidades de desenvolvemento persoal.
4.Apoiar na cobertura da necesidade de vivenda.