Programa de Axudas de Emerxencia Social cofinanciado pola Deputación Provincial de Ourense.
Ano: 2022
Co-Financia: Deputación Provincial de Ourense
En data 11 de abril de 2022 publicáronse no Boletín Oficial da Provincia de Ourense (BOP núm. 83), as bases reguladoras da concesión de subvencións para entidades sociais para proxectos de prestación de servizos sociais para o exercicio 2022.
O 7 de xullo de 2022 publicouse a resolución do concurso público para a concesión de subvencións para proxectos de prestación de servizos sociais para o ano 2022, sendo concedida a cantidade de 15.000,00€ a Caritas Diocesana de Ourense.
O Programa de Axudas de Emerxencia Social, de Cáritas Diocesana de Ourense, ten por obxecto principal facilitar de xeito áxil axudas e respostas para a cobertura de necesidades básicas das persoas e/ou familias máis necesitadas da nosa provincia.
Os obxectivos enmarcados no desenvolvemento deste proxecto son:
- Facilitar atención social básica e integral a 250 persoas residentes na provincia de Ourense.
- Colaborar na prevención da exclusión social a través de axudas directas para o pago de alugueiro e/ou para o acceso a una vivienda, así coma para o mantemento da vivenda, axudando a afrontar os custos relacionados cos suministros.
- Entregar axudas en especie, tales como axudas directas para alimentos, roupa, produtos de farmacia, hixiene, etc.
- Facilitar axudas económicas para a cobertura de gastos escolares e educativos de nenos e mozos de familias en situación ou en risco de exclusión social residentes na provincia de Ourense.
