Programa de Axudas de Emerxencia Social cofinanciado pola Deputación Provincial de Ourense.
Ano: 2025
Co-Financia: Deputación Provincial de Ourense
En data 18 de xuño de 2025 publicáronse no Boletín Oficial da Provincia de Ourense (BOP núm. 115), as bases reguladoras da concesión de subvencións para entidades sociais sen ánimo de lucro para proxectos de carácter social para o exercicio 2025.
O 9 de outubro de 2025 publicouse a resolución definitiva do concurso público para a concesión de subvencións para proxectos de carácter social para o ano 2025, sendo concedida a cantidade de 5.000,00€ a Caritas Diocesana de Ourense.
O Programa de Axudas de Emerxencia Social, de Cáritas Diocesana de Ourense, ten por obxecto principal facilitar de xeito áxil axudas e respostas para a cobertura de necesidades básicas das persoas e/ou familias máis necesitadas da nosa provincia.
Os obxectivos enmarcados no desenvolvemento deste proxecto son:
- Facilitar atención social básica e integral a 140 persoas residentes na provincia de Ourense.
- Acoller, informar, e orientar socialmente as persoas en situacion de especial vulnerabilidade.
- Tramitar os apoios en especie ou as axudas económicas directas adecuadas para cubrir as situacións de urxencia social.
- Acompañar cada caso atendido en clave de itinerario personalizado.
